Շատերը իրենց հաջորդ ուղևորությունը կազմակերպում են այնպես, որ Սուրբ Ծննդյան և ամանորյա օրերին լինեն այն քաղաքներում, որոնք հայտնի են իրենց տոնավաճառներով:
Ձեզ ենք ներկայացնում Եվրոպայի ամենահայտնի Սուրբ ծննդյան տոնավաճառները:
Ստրասբուրգ, Ֆրանսիա
Ստրասբուրգի հանրահայտ Կրիշտկինդելսմերիկ (Christkindelsmärik) տոնավաճառը գործում է 1570 թվականից: Այն հանդիսանում է Եվրոպայի հնագույն տոնավաճառներից մեկը: Քաղաքի կենտրոնում` հսկայական տոնածառի շուրջ, հայտնվում է փայտյա տնակներից մի գյուղակ, որում կգտնեք ձեռագործ նվերներ, փայտե խաղալիքներ, տաք գինի և մթնոլորտ, որը հիշեցնում է հեքիաթ:
Նյուրնբերգ, Գերմանիա
Քրիսթքինդլսմարկտը (Christkindlesmarkt) գործում է 17-րդ դարից և հանդիսանում է Գերմանիայի ամենահայտնի տոնավաճառներից մեկը: Նյուրնբերգի տոնավաճառը որոշ աղբյուրներ համարել են այս տարվա լավագույն տոնավաճառ: Հաուպտմարկտ հրապարակում կգտնեք գերմանական հայտնի նրբերշիկներ և նրբաբլիթներ, հուշանվերներ և տոնական տրամադրություն: Տոնավաճառը դեկտեմբերի 24-ից հետո փակվում է:
Վիեննա, Ավստրիա
Վիեննայում տոնական օրերին սկսում են գործել միաժամանակ մի քանի տոնավաճառ: Տուրիստները նախընտրում են քաղաքապետարանի տարածքում գտնվող ամենամեծ տոնավաճառը, իսկ տեղացիները նախընտրում են ավելի փոքր տոնավաճառներ, օրինակ` Շպիտելբերգ թաղամասինը:
Բրյուսել, Բելգիա
Այցելելով Բրյուսելի Ձմեռային հրաշքներ (Winter Wonders) տոնավաճառը` դուք կգտնեք բելգիական վաֆլիներ, շոկոլադ, գարեջուր և տոնական երաժշտություն: Չնայած այն փաստի որ տոնավաճառը գործում է ընդհամենը 20 տարի, այն ունենում է տարեկան 2.5 մլն. այցելու:
Հետաքրքիր փաստ` ըստ բելգիական ավանդույթների Ձմեռ Պապը ճանապարհորդում է ոչ թե եղնիկներով այլ ձիով:
Տալլին, Էստոնիա
Տալլինի տոնավաճառը կհետաքրքրի ավելի հանգիստ և միջնադարյան մթնոլորտ փնտրողներին: Մեր ցուցակում այս տոնավաճառը ամենափոքրն է և ամենաքիչ այցելու ունեցողը, ինչը ավելի հաճելի կլինի մարդկանց ովքեր չեն սիրում չափից շատ մարդաշատ տարածքներ: