Ինքնաթիռի անվտանգության ցուցումները պարզապես ֆոնային ձայն ստեղծելու համար չեն։ Դրանք նախատեսված են ձեր կյանքը փրկելու համար և որքան հաճախ լսեք ու ուշադրություն դարձնեք, այնքան ձեր արձագանքը կդառնա բնազդային՝ ոչ թե հիշելու, այլ ուղղակի կատարելու։
Բնազդ, ոչ թե հիշողություն
Սթրեսային իրավիճակում ուղեղը չի աշխատում սովորական ձևով։ Խուճապը կարող է կաշկանդել տրամաբանությունը։ Ահա թե ինչու փրկարարներն ու օդաչուները մշտապես վարժվում են — որպեսզի ունենան մկանային հիշողություն։ Երբ մի բան այն չէ, նրանք չեն մտածում՝ նրանք գործում են։
Ձեզ՝ որպես ուղևոր, ամեն օր վարժվելու հնարավորություն չկա։ Բայց դուք ունեք մեկ այլ հնարավորություն՝ յուրաքանչյուր թռիչքի ժամանակ լսել անվտանգության ցուցումները։ Եվ եթե ամեն անգամ իսկապես լսեք՝ ոչ թե պարզապես աչքով անցկացնեք քարտը կամ անուշադրությամբ նայեք գոտու ցուցադրմանը, ապա սկսում եք ենթագիտակցաբար ֆիքսել կարևոր քայլերը։ Ելքեր, թթվածնի դիմակի օգտագործում, փրկողական բաճկոն, հատակին լուսավորող ուղիներ։
Ինքնաթիռը ամենաանվտանգ ուղևորաձևն է, բայց հնարավոր է ամեն ինչ
Ինքնաթիռով թռչելը շատ անվտանգ է։ Բայց «հազվադեպ» չի նշանակում «երբեք»։ Իսկ երբ մի բան անսպասելի է լինում՝ վթարային վայրէջք, ճնշման կորուստ, տարհանում — յուրաքանչյուր վայրկյանը որոշիչ է։
Այն ուղևորները, որոնք նման իրավիճակներից անվնաս են դուրս գալիս, հաճախ ասում են նույնը՝ հիշել եմ՝ ինչ անել։ Բայց ավելի ճիշտ կլինի ասել՝ գործել եմ՝ առանց մտածելու։ Իսկ դա հնարավոր է միայն այն ժամանակ, երբ անվտանգության քայլերն արդեն դարձել են սովորություն։
Ամեն ինքնաթիռ տարբեր է
Բոլոր ինքնաթիռները նույնը չեն` ելքի շարքը կարող է այլ տեղում լինել, փրկարարական միջոցները կարող են լինել նստարանի տակ, կամ մեջքի հետևում։ Որոշ սլայդեր դառնում են նավակներ, իսկ մյուսները՝ ոչ։ Ցուցադրվում է այդ կոնկրետ օդանավի առանձնահատկությունները։
Նույն ավիաընկերությամբ նույնիսկ հարյուր անգամ թռիչք կատարելը չի նշանակում, որ ամեն ինչ նույնն է։ Իսկ արտակարգ իրավիճակում ժամանակ չի լինի կողմնորոշվելու։
Մի խոսքով` անվտանգության կանոնները ամեն անգամ լսելը կարող է փրկել ոչ միայ Ձեր այլ Ձեզ շրջապատողների կյանքը, թեև հուսանք դրա կարիքը երբեք չի լինի: